ՕՐԻՆԱԳԾԵՐ / Շրջանառության մեջ գտնվող նախագծեր` "ՊԱՐՏԱԴԻՐ ՍՈՑԻԱԼԱԿԱՆ ԱՊԱՀՈՎԱԳՐՈՒԹՅԱՆ ՎՃԱՐՆԵՐԻ ՄԱՍԻՆ" ՀՀ օրենքում փոփոխություն կատարելու մասին Հոդված 1. Օրենքի 5 հոդվածի 1-ին կետի երրորդ մասի առաջին նախադասությունը շարադրել հետևյալ խմբագրությամբ. "Մշակութային,կրթական (այդ թվում` նախադպրոցական ) , մարզական և գիտական ոչ առևտրային կազմակերպությունների մինչև 20 հազար դրամ աշխատավարձ սահմանված հաստիքը ոչ լրիվ դրույքով զբաղեցնող վարձու աշխատողի համար սույն կետի առաջին մասով սահմանված սոցիալական վճարը գործատուն հաշվարկում և լիազոր մարմին է փոխանցում վարձու աշխատողի զբաղեցրած ոչ լրիվ դրույքին համամասնորեն": Հոդված 2. Սույն օրենքն ուժի մեջ է մտնում 2004թ. (2007թ.) հունվարի 1-ից: Նախագիծը ներկայացված է Ազգային ժողով 2003թ. օգոստոսի 19-ին (Նույն նախագիծը ներկայացվել է ԱԺ 2002թ. նոյեմբերի 15-ին, սակայն ԱԺ-ի կողմից քննարկումը մերժվել է) Տ Ե Ղ Ե Կ Ա Ն Ք "Պարտադիր սոցիալական ապահովագրության վճարների մասին" Հայաստանի Հանրապետության օրենքում փոփոխվող հոդվածն է` ~ 5-րդ հոդվածի առաջին կետի երրորդ մասի առաջին նախադասությունը£ "Պետական և համայնքային ենթակայության մշակութային, դպրոցական, նախադպրոցական հաստատությունների 20 հազար դրամ աշխատավարձ սահմանված հաստիքը ոչ լրիվ դրույքով զբաղեցնող վարձու աշխատողի համար սույն կետի առաջին մասով սահմանված սոցիալական վճարը գործատուն հաշվարկում և լիազոր մարմին է փոխանցում վարձու աշխատողի զբաղեցրած ոչ լրիվ դրույքին համամասնորեն"£