ՀԱՅՏԱՐԱՐՈՒԹ-ՅՈՒՆՆԵՐ / Մոտեցումներ` ուղղված ընտրակեղծիքների նվազեցմանը` ՄՈՏԵՑՈՒՄՆԵՐ` ՈՒՂՂՎԱԾ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԸՆՏՐՈՒԹՅՈՒՆՆԵՐԻ ԱՐԴԱՐՈՒԹՅԱՆ ԱՊԱՀՈՎՄԱՆԸ 1. Տեխնիկական միջոցների կիրառումը որպես ընտրակեղծիքների նվազեցման միջոց Քվեարկության ընթացքում ընտրակեղծիքների բացառման /նվազեցման/ նպատակով առաջարկում ենք օգտագործել տեխնիկական վերահսկողության հետևյալ միջոցները. Յուրաքանչյուր տեղամասում ապահովել. 1. համակարգիչ 2. սկաներ 3. համապատասխան էլեկտրոնային հաշվիչ (դատչիկ) պարունակող քվեատուփ 4. տեսախցիկ Բոլոր քվեաթերթիկները պետք է ունենան այնպիսի պաշտպանիչ միջոցներ, որոնց բացակայության պարագայում տեխնիկապես անհնարին կդառնա այդ թերթիկը քվեատուփ գցելը: Ընտրական տեղամասերում տեղադրված համակարգիչը, տեսախցիկը, քվեատուփը պետք է միացած լինեն ինտերնետային ցանցին երկու սերվերի միջոցով, որոնցից մեկը գտնվելու է Կենտրոնական ընտրական հանձնաժողովում, իսկ մյուսը` դիտորդական առաքելության շտաբում: Քվեարկության ներկայացած յուրաքանչյուր ընտրողի անձնագիրը պետք է սկան արվի և պահվի համակարգչի անձեռնմխելի հիշողության մեջ: Քվետուփի վրա տեղադրված հաշվիչը յուրաքանչյուր րոպե պետք է ցույց տա քվեատուփում առկա քվեաթերթիկների թիվը: Ինտերնետային ցանցով հնարավոր կլինի հետևել ցանկացած ընտրական տեղամասի քվեարկության ընթացքին և տեղեկանալ ընտրությունների մասնակիցների թվին: Քվեարկության և քվեարկության արդյունքների ամփոփման ողջ ընթացքը տեսախցիկի միջոցով կնկարահանվի և կպահվի համակարգչի անձեռնմխելի հիշողության մեջ: Քվեարկության արդյունքների ամփոփումից հետո անմիջապես քվեարկության արդյունքները մուտքագրվում են համակարգչի մեջ և մատչելի են լինում ինտերնետից օգտվողներին: 2. Դիտորդական առաքելության թվակազմը Ցանկալի է ապահովել յուրաքանչյուր տեղամասում երկուական դիտորդի ներկայությունը քվերակությանը նախորդող օրվա Տեղական ընտրական հանձնաժողովի նիստին, ինչպես նաև ընտրության օրը անընդհատ տեղամասում գտնվելը, մինչև արդյունքների ամփոփման, ընտրական փաստաթղթերի զմռսման և վերադաս հանձնաժողովին ուղարկման ավարտը: "Ժողովրդավարություն" հկ Ազգային Ժողովրդավարական կուսակցություն