English  30 May 2017

 ՀՐԱՊԱՐԱԿՈՒՄՆԵՐ
 ՕՐԻՆԱԳԾԵՐ
 ԸՆՏՐՈՒԹՅՈՒՆՆԵՐ 2008
 ՀԱՅՏԱՐԱՐՈՒԹ-ՅՈՒՆՆԵՐ
 ԳՐԱՆՑՎԵԼ ԿԱՅՔԻ ՆՈՐՈՒԹՅՈՒՆՆԵՐԻՆ
 ՀՈԴՎԱԾՆԵՐ ԵՎ ԳՐՔՈՒՅԿՆԵՐ
 ԸՆՏՐՈՒԹՅՈՒՆՆԵՐ 2007
 ԳԼԽԱՎՈՐ ԷՋ
 ՖՈՏՈԱՐԽԻՎ
 ՆՅՈՒԹԵՐ
 ԿՈՒՍԱԿՑՈՒԹՅԱՆ ԾՐԱԳԻՐ
 ԿՈՒՍԱԿՑՈՒԹՅԱՆ ԿԱՆՈՆԱԴՐՈՒԹՅՈՒՆ
 ԿՈՒՍԱԿՑՈՒԹՅԱՆ ՂԵԿԱՎԱՐ ԿԱԶՄԸ
 ԿԱՅՔԻ ՔԱՐՏԵԶ
 ԿԱՊԸ ՄԵԶ ՀԵՏ


www.Havatarmutyun.org


www.WelcomeArmenia.com

www.armenia.li
 

ԸՆՏՐՈՒԹՅՈՒՆՆԵՐ 2007
  ԱԺԿ-ն ՔՎԵԱԹԵՐԹԻԿՈՒՄ ԱՌԱՋԻՆՆ Է (ֆոտոարխիվ)
  ԱԶԳԱՅԻՆ ԺՈՂՈՎՐԴԱՎԱՐԱԿԱՆ ԿՈՒՍԱԿՑՈՒԹՅՈՒՆ
ԵՌԱՆԴ, ԳԻՏԵԼԻՔ, ԱԶՆՎՈՒԹՅՈՒՆ, ՆՎԻՐՈՒՄ

VIDEO

ԱԶԳԱՅԻՆ
ԺՈՂՈՎՐԴԱՎԱՐԱԿԱՆ
ԿՈՒՍԱԿՑՈՒԹՅՈՒՆ

Հայրենակիցնե՛ր
Մայիսի 12-ի ընտրություններով մենք պարտավոր ենք վերջապես հաղթահարել մեր երկրի համար ամոթալի «ավանդույթը», այն է` իշխանությունը չի ձևավորվում ժողովրդի կողմից և այդ իսկ պատճառով չի ծառայում ժողովրդին: Քանի դեռ իշխանությունը չի ձևավորվում ժողովրդի կամքով, անհնար է լուծել երկրում կուտակված բազում խնդիրները և դիմակայել արտաքին վտանգներին:

Մեր հաղթանակի գրավականը սեփական ուժերի հանդեպ մարդկանց հավատի վերականգնումն է:

 Պետք չէ ենթարկվել իշխանավորների քարոզչությանը:

Ընտրությունների արդյունքը կանխորոշված չէ:
Ինչու՞: Նախորդ ընտրություններին իրականում մասնակցել է ընտրողների 30%-ից ոչ ավելին: Բաժանել են ընտրակաշառքներ, դիմել են տարբեր ճնշումների, բայց միևնույն է, իշխանությունները պարտվել են և ստիպված են եղել կեղծելու ընտրությունների արդյունքները: Մի՞թե ակնհայտ չէ, թե ինչ կարող է տեղի ունենալ, եթե ընտրություններին մասնակցի ոչ թե ընտրողների 30%-ը, այլ` 40%, 50% և ավելին...
Նրանք, ովքեր տարածում են ընտրությունների կանխորոշված լինելու մասին լուրերը, ձգտում կամ ակամա նպաստում են, որպեսզի դուք չմասնակցեք ընտրություններին, և երկրում ամեն ինչ մնա նույնը:

Իշխանությունը միավորված չէ:
Ինչու՞ կոալիցիայի անդամ կուսակցությունները չմիավորվեցին մեկ նախընտրական դաշինքում: Պատճառն աթոռակռիվն է. չկարողացան համաձայնության գալ, թե ո՛վ կդառնա վարչապետ, ո՛վ` Ազգային ժողովի նախագահ, ո՛վ` նախարար, ո՛վ` պատգամավոր և ո՛վ` երկրի ապագա նախագահ: Արդյունքում` առանձին-առանձին են փորձում հաջողության հասնել, չնայած, որ նախորդ ընտրություններում բոլորը միասին չեն ստացել ձայների մեծամասնություն:

Նույների իշխանության գալով ամեն ինչ կմնա նույնը:
Ինչպե՞ս խուսափել «նույներից», ինչպե՞ս տարբերել թացն ու չորը: Առաջնորդվենք ոչ թե խոսքով, այլ կատարած գործով և անցած ուղիով: Իշխանությունը պետք է ստանձնի այն քաղաքական ուժը, որն իր իսկ իշխանությունը կդարձնի վերահսկելի, պետական պաշտոնն ու բիզնեսը` անհամատեղելի,  կվերացնի ստվերային տնտեսությունը: Միայն այդ դեպքում կստեղծվեն աշխատատեղեր, կհաղթահարվի աղքատությունը, կվերանա կաշառակերությունը:

Մենք միասին հասնելու ենք նրան, որ հենց այս ընտրությունների արդյունքում ունենանք ժողովրդի կամքն արտահայտող Ազգային ժողով: Այդ դեպքում ԱԺԿ-ն վերջապես կհասնի նրան, որ ժողովուրդն իրավունք ունենա հանրաքվեի միջոցով հետ կանչել իրեն չարդարացրած Ազգային ժողովը և նրա ձևավորած կառավարությունը:

ՄԱՍՆԱԿՑԵ՛Ք ընտրություններին
Քվեարկե՛ք ՁԵՐ ԿԱՄՔԻ ՀԱՄԱՁԱՅՆ

ԱԶԳԱՅԻՆ ԺՈՂՈՎՐԴԱՎԱՐԱԿԱՆ ԿՈՒՍԱԿՑՈՒԹՅԱՆ ՑՈՒՑԱԿԸ ԿՈՒՍԱԿՑՈՒԹՅԱՆ ԵՎ ԵՐԵՔ ՔԱՂԱՔԱՑԻԱԿԱՆ ՆԱԽԱՁԵՌՆՈՒԹՅՈՒՆՆԵՐԻ ՄԻԱՎՈՐՈՒՄ Է

Շավարշ Քոչարյան, ԱԺԿ առաջնորդ, ծնվ.1948թ.: Ինժեներ-մաթեմատիկոս,  կենսաբանական գիտությունների թեկնածու, 100-ից ավելի գիտական աշխատությունների, 30 գյուտերի հեղինակ, այդ թվում` արտոնագրված ԱՄՆ-ում, Մեծ Բրիտանիայում, Ֆրանսիայում, Ճապոնիայում: 1990թ-ից 4 անգամ անընդմեջ ընտրվել է ԱԺ պատգամավոր:  Հանդես է եկել շուրջ 100 օրենսդրական նախաձեռնություններով, այդ թվում` Սահմանադրության և Ընտրական օրենսգրքի այլընտրանքային նախագծերով: Ընտրվել է ԱԺ Արտաքին հարաբերությունների հանձնաժողովի փոխնախագահ, Գիտության, կրթության, մշակույթի հանձնաժողովի նախագահ:  Ներկայացրել է Հայաստանը ԵԱՀԿ, Եվրոպայի Խորհրդի և ԱՊՀ Խորհրդարանական Վեհաժողովներում: 1996 և 2004 թվականների համաժողովրդական ընդվզումների ժամանակ կալանավորվել է երկրում հեղաշրջում կազմակերպելու շինծու մեղադրանքով:
Հրանուշ Խառատյան, «Ավանդույթ և առաջընթաց» քաղաքացիական նախաձեռնության  ղեկավար, երկու զավակների մայր: Ազգագրագետ, պատմական գիտությունների թեկնածու, ԵՊՀ դասախոս, 2004թ-ից Կառավարության աշխատակազմի ազգային փոքրամասնությունների և կրոնի հարցերով վարչության պետ: 60-ից ավելի գիտական աշխատությունների հեղինակ է, այդ թվում` 5 գրքերի: 9 գիտական և վերլուծական կենտրոնների և հանդեսների խորհրդի անդամ է: Կազմակերպել և իրականացնում է 19 ծրագրեր` նվիրված հայ մշակույթի պահպանմանը, էթնիկ փոքրամասնությունների իրավունքներին, աղքատության հաղթահարմանը, գյուղացիության հիմնախնդիրներին, փախստականների ինտեգրմանը, կովկասագիտությանը և բախումնաբանությանը:
Տարոն Առաքելյան, «Հավատարմություն» քաղաքացիական նախաձեռնության  ղեկավար, ծնվ. 1967թ.: Տնտեսագետ, գերազանցությամբ ավարտել է ԵՊՀ տնտեսագիտական կիբեռնետիկայի ֆակուլտետը, ուսանել է և համապատասխան որակավորումներ է ստացել Փարիզի Պետական կառավարման միջաղգային ինստիտուտում, Վիեննայի միացյալ ինստիտուտում (տնտեսագիտություն և ֆինանսական կառավարում), Վաշինգտոնի  Ջորջթաունի համալսարանի դիվանագիտության ֆակուլտետում: 1997թ-ից «ԱՄՆ-ի գիտահետազոտական և կրթական ծրագրերի շրջանավարտների հայկական միության»  նախագահ: 1991-1997թթ. ԱԺ Ֆինանսավարկային և բյուջետային հարցերի մշտական հանձնաժողովի գլխավոր մասնագետ: 1997թ. hիմնադրել և ղեկավարում է «Զարգացման ծրագրեր» խորհրդատվական ընկերությունը:
Արտակ Շաքարյան, «Երիտասարդությունը հանուն ապագայի» քաղաքացիական նախաձեռնության  ղեկավար, ծնվ. 1980թ.: Արևելագետ, պատմական գիտությունների թեկնածու, ՀՀ ԳԱԱ Արևելագիտության ինստիտուտի գիտքարտուղար, նույն ինստիտուտի Թուրքիայի բաժնի ավագ գիտաշխատող, վերլուծաբան, «Երիտասարդ առաջնորդների դպրոց» ծրագրի ղեկավար: 2003թ. ավարտել է ԵՊՀ արևելագիտության ֆակուլտետի թուրքագիտության բաժինը, 2006թ. Եվրոպայի Խորհրդի Քաղաքական դասընթացների երևանյան դպրոցը: Մեկ գրքի, մեկ տասնյակից ավելի գիտական և յոթ տասնյակից ավելի վերլուծական հադվածների հեղինակ է:

 Ցուցակում ընդգրկված անձանց 20%-ն ունեն գիտական աստիճաններ, 30%-ը գրքերի, հոդվածների, գյուտերի հեղինակ են, 16%-ը` մինչև 30 տարեկան երիտասարդներ, 33%-ը` կանայք: Ցուցակի առաջին տասնյակում են Երևան քաղաքի և չորս մարզերի ներկայացուցիչներ:

Մեզ միավորող նպատակն է 

      ԱՐԴԱՐ   ՊԵՏՈՒԹՅՈւՆ    
          ԿՐԹՎԱԾ   ՀԱՍԱՐԱԿՈՒԹՅՈՒՆ    
               ՎԱՍՏԱԿԱԾ   ԲԱՐԵԿԵՑՈՒԹՅՈՒՆ

 

 



Դուք համաձա՞յն եք, որ Ազգային Ժողովը ընդունի ԱԺԿ ներկայացրած Ընտրական Օրենսգրքի նախագիծը:

Այո
Ոչ
Դժվարանում եմ պատասխանել



Մասնակցողների թիվը` 1377



 
Copyright ©, National Democratic Party
WEB MAIL
      Հաճախումների
քանակը` 485311 / 453963